كتب: حاتم داود
ناشد مزارعى محافظه كفرالشيخ معالى دولة رئيس مجلس الوزراء ووزير الزراعه انقاذهم وتعويضهم مما حل بهم من خراب لبيوتهم
وغرقهم فى الديون بسبب بذرة القطن المنصرفه لهم من الجمعيه الزراعيه .
مضيفين انهم كانوا ينتظرون موسم حصاد القطن لتسديد ديونهم وتزويج أولادهم من محصول القطن والذى كان يأتى بالخير الوفير والرزق الكثير
قال على حامد احد المزارعين انا بيتى اتخرب كنا بنجمع القطن ثلاث مرات ونصيف منه بعد الجمع أصبح الان بناكله للمواشى ونقطعه قبل جمعه علشان نفضى الأرض ونرتاح من همه
انا غرقت فى الديون والناس بتطالبنى بالفلوس اللى عليه بسبب محصول القطن ومش عارف اسدد تمن الكيماوي ولا تمن الدواء اللى جبته للأرض
وأضاف السيد قطب اسوء سنه على الفلاحين بيتنا اتخرب ولا عدنا هنعرف نجوز ولادنا زى الاول من محصول القطن ولا هنعرف نسدد حتى الفلوس والديون اللى علينا
احنا بناشد رئيس الوزراء ووزير الزراعه تعويض الفلاح عن الخراب اللى حصله السنادى بسبب القطن كنا بننتظر القطن من السنه للسنه دلوقتى عايز نخلص من المصيبه اللى فى الأرض ونفوق من الكبوس اللى احنا فيه
