قصيدة (صياد)
كلمات عاصم بكر علي منصور
رميت شباك الامل........طلع الشبك فاضي
لايوم بكيت الالم....... ولا الفرح رأسمالي
نديت علي الصبر........اتاري الوهم يحلالي
من بعد طول العمر.......ترجعلي منها اوهامي
صياد ورحت اصطاد......في البحر صادوني
لامدوا ايدالامل مد...... ولاعلي البر سابوني
خليني يوم ع البر.........يمكن تضحكلي ايامي
لماترميني بالغدر.......... وتشيلني امواجي
ألمح بعيني الضي........ بدموعها ترحلي احزاني
ليه بحرك نداني...........وسط موجك العالي
بلاش يابحر الامل........لدموعي بالبكي تحلالي
يمكن الاقي الوصل......لمااشوف ع البر احبابي
خلاص بقيت يابحر......سايب فيك كل احلامي
راجع تاني بجرح.......... ونسيت بقي افراحي
يارب ألمح الصباح..........بيلمع ضيه ويلالي
كأنه زهره بتفتح...........بحسن غصنها الزاهي
يامركبي للبر وديني........رجعلي ضحكه سنيني
سيب الفرح في عيني.... يمكن تصالحني ايامي
خايف انزل تاني بحركم.......وارمي الشبك تاني
يطلعلي الوهم يخدعكم........واداري فيها أوجاعي
قصيدة (صياد)
كلمات عاصم بكر علي منصور
