كتب حاتم داود 

ناشد مزارعى محافظه كفرالشيخ معالى دولة رئيس مجلس الوزراء الدكتور مصطفى مدبولى والدكتور علاء فاروق وزير الزراعه انقاذهم وتعويضهم مما حل بهم من خراب لبيوتهم وغرقهم فى الديون  بسبب بذرة القطن المنصرفه لهم من الجمعيات الزراعيه .

مضيفين انهم كانوا ينتظرون موسم حصاد القطن لتسديد ديونهم وتزويج أولادهم من محصول القطن والذى كان يأتى بالخير الوفير والرزق الكثير 

والذى أصبح اليوم سببا لغرقهم فى الديون وتدمير حياتهم وحياة أسرهم وعائقا كبيرا لهم فى تحقيق امالهم وامال اولادهم وبناتهم 

قال محمد جمعه احد المزارعين انا بيتى اتخرب كنا بنجمع القطن ثلاث مرات ونصيف منه بعد الجمع أصبح الان بناكله للمواشى ونقطعه قبل جمعه علشان نفضى الأرض ونرتاح من الهم والغم اللى احنا فيه بسبب الديون اللى علينا 

انا غرقت فى الديون والناس بتطالبنى بالفلوس اللى عليه بسبب محصول القطن ومش عارف اسدد تمن الكيماوي ولا تمن الدواء اللى جبته للأرض 

وأضاف محمد السنهورى اسوء سنه على الفلاحين بيتنا اتخرب ولا عدنا هنعرف نجوز ولادنا زى الاول من محصول القطن ولا هنعرف نسدد حتى الفلوس والديون المتراكمة علينا بسبب البذره اللى استلمناها من الجمعيه الزراعيه 

احنا بناشد رئيس الوزراء ووزيرة الزراعه تعويضنا عن الخراب اللى حصلنا السنادى بسبب القطن كنا بننتظر القطن من السنه للسنه دلوقتى عايزين نخلص من المصيبه اللى فى الأرض ونفوق من الكبوس اللى احنا فيه واصبحنا بنتخلص من القطن علشان نزرع الأرض بالمحصول الجديد