كتب عبدالحميد صالح 

الاسم عبدالحميد محمود عبدالكريم

23 سنه 

من طفل ف 6 ابتدائي والدي اتوفي ف تاني يوم اجازتي ف الابتدائيه ووقتها طبعا الدنيا اسودت ف وشي من صغري وبدل م اقضي اجازتي زي باقي الناس نزلت دورت ع شغل ومن وقتها وانا بداءت حياتي مش زي باقي الناس بداءت اشتغل ف اي حاجه تقدر تقبلني بسبب صغر سني.

كنت بشتغل ف الاجازه وبعدها دخلت الاعداديه كنت مجتهد شويه وبجيب مجاميع و تقديرات كويسه كل سنه لحد م خلصت اعدادي وجبت مجموع كويس ف الاعداديه ممكن يدخلني ع الاقل خالص ثانوي عام

 انما الوضع اللي كنت في مكنش يسمح اني ادخل اي مرحله ثانويه ف هيطلب مني التزامات كبيره ب وقت و مجهود وقبل دا ماديا مكنش يسمح خالص ف قررت اني كدا كدا خلاص ف اضطريت اني ادخل دبلوم صناعه ودي كانت نقطه سوده ف حياتي ب شكل محدش يتخيله (مستقبلي اتدمر حرفيا) قعدت ال3 سنين اشتغل فيهم ومن كتر اني بشتغل صبح وليل كان بيجيلي جوابات فصل كتير جدا مره اخد اخويا الكبير ومره والدتي وهكذا لحد م جيت اخر سنه وقولت خلاص هستقر ع شغلانه معينه ايا كانت وهكمل باقي حياتي كدا!! 

جاتلي شغلانه ف شركه تمويل عقاري كانت cleaner عامل نظافه

ف الفتره اللي من ابتدائي لحد هنا انا مكانش ليا اصحاب ولا كان ليا BEST FRIEND بقا والجو دا كنت من البيت للشغل وهكذا لوحدي دايما

كنت بشتغل من 7 الصبح ل 7 باليل وكان مرتبي 1200 و فيه فواصل كدا بين الوقت كنت بريح و ف الاوقات دي انا كنت بفتح يوتيوب واتفرج ع فيديوز كتير اوي اطور بيها من نفسي المعلومات اللي ضيعتها ف التعليم كان نفسي ابقي محاضر او دكتور جامعي او اني ابقي بعلم الناس حاجه يستفيدوا منها واكون انا السبب

بقيت بسمع ل توني روبنز ومايكل راشد و والداعيه مصطفي حسني ولا واحد منهم ف نفس المجال بس كنت بلم كميه SKILLS رهيبه لحد م فجاءه ظهرلي فيديو عن بيزنس وكان مؤتمر وطبعا اتشديت ليه كدا لاني كان نفسي يبقي شغلي ON STADGE ف فضلت اشوف فيديوهات اكتر لحد م وصلت ل حد وسالته عن تفاصيل الفيديو دا وحددت معاد معاه ميتنج افهم فيه كل حاجه..

قعدت وفهمت وقررت اني هحول شكل حياتي تماما عكس اللي فات كله. اخدت الخطوه وبداءت واتعلم ومهما اقولك انا كنت قد اي بتعرض ل كميه ضغط رهيبه من 3 شغلانات ف يوم واحد وكان ربنا موفقني ف اني اعرف اوفق بين ال 3 لحد م اخدت قرار ي هنجح ي هنجح مفيش بديل وسيبت الشغلانتين التانين اللي كانوا دخل ثابت بالنسبالي ومطمنيني ومع ذلك عملت كدا..

بداءت اشتغل ب ال 18 ساعه وكنت بادء ب مبلغ حرفيا ميتذكرش لحد م بداءت اتعلم واشتغل اضعاف الطبيعي بتاعي واعمل نتايج وامسك فلوس بقا المكان

مع الوقت لقيت ان المكان دا مش مجرد فلوس لا ان جايلك بعد سنتين من وجودي هنا بقولك الحمد لله انا عندي Experiences ممكن متكونش موجوده عند مُعيد جامعي او دكتور او مهندس او او او

جاي اقولك اني حققت هنا جزء من احلامي وطلعت استيدج مره واتنين وحرفيا وصلت للي كان نفسي فيه اني بقيت بعلم الناس يعملو فلوس وينجحوا ف حياتهم ويحققوا كل اللي يتمنوه

الحمد لله دلوقتي عندي ال BUSINESS الخاص بيا وقادر اني احقق اي حاجه اخططلها بدون اي تعجيز 

الحمد لله ع نعمه الطموح والأحلام