سمر:صباح الخير ياقمر صاحيه بدرى كدا ليه
قمر: انا منمتش اصلا بفكر في الشغل الجديد وبشوف هلبس ايه لبسي كله قديم
سمر : ولا يهمك خدى البلوزة الجديدة بتاعتي وابقي هاتيلي واحده لما تشتغلي
قمر : بجد متحرمش منك يا احلي سمورةطب يلا فوقي علشان تلحقي مدرستك
سمر : حاضر
خرجت قمر متجهة الي رأفت حاتم في العمل
قمر : صباح الخير يافندم
رأفت: ينظر اليها بلهفه صباح النور انا مستنيكي من بدرى
قمر: انا اسفه بس انا واصله في الميعاد بالظبط
رأفت: طيب تعالي اتفضلي اقعدى
قمر : شكرا يافندم
رأفت: تشربي ايه
قمر: لا ولا اي حاجه انا بس محتاجة اعرف ايه طبيعة الشغل بالظبط
رأفت: مستعجلة ليه انتي مش هتشتغلي النهاردة
قمر باستغراب : يعني ايه مش فاهمه مش حضرتك قولتلي هتشغلني
رأفت : ايوةهتشتغلي بس مش هنا
قمر: اومال فين
رأفت : هفهمك بس في الطريق يلا بينا
قمر: علي فين
رأفت : قولتلك هفهمك يلا ماتضيعيش وقت
قمر : حاضر يافندم اتفضل
خرجت قمر مع رأفت وركبوا السيارة متجهين الي المصنع وفي الطريق سألت قمر رأفت سؤال انا ممكن اعرف طبيعة الشغل لان بدأت اقلق
رأفت : تقلقي من ايه بصي ياستي هفهمك انا من فترة كنت بدور علي بنت جميلة جدا تلبس فستان العرض الاساسي في الديفيليه
قمر : حضرتك بتقول ايه انت عاوزني عارضه ازياء انا مقدرش اشتغل شغلانه زى دى
رأفت: اولا انتي هتلبسي احسن فستان في العرض يعني مش هتكوني عارضه ازياء عادية وبعدين دى فرصة عمرك وانتي ليكؤ الحق تقبلي او ترفضي بس الاول نوصل وتشوفي بنفسك وتحكمي
قمر: التزمت الصمت طول الطريق وتفكر بعمق شديد وصل رأفت الي المصنع .
حكاية قمر ورأفت
(الفصل الثاني)
(الجزء الثاني)
وصل رأفت وقمر الي المصنع
رأفت: ازيك ياعم محمد
محمدالامن: اهلا يارأفت بيه
رأفت: حاتم بيه وصل ولا لسه
محمدالامن: لايافندم لسه
رأفت:طيب كويس
قمر: هو دا المصنع هو انا هشتغل هنا
رأفت :لا مش بالظبط هفمك بس انزلي يلا
نزلت قمر من السيارة مع رأفت متجهين الي الدور العلوي ويوجد به مكتب رأفت واسع وجميل وبه تصميمات كتير لفساتين كتير مميزة
رأفت : ايه ياقمر واقفه كدا ليه تعالي اقعدى
قمر متسمرة مكانها وباندهاش واستغراب : انت جايبني هنا ليه
رأفت:طب تعالي بس وهفهمك تشربي ايه بقا هجيبلك ليمون علشان تهدى خلاص تمام
قمر:تمام
رأفت: بصي ياستي هنا المصنع بينفذ كل ٦شهورعرض واحنا من افضل المصانع في الشرق الاوسط قدمنا في مسابقة كبيرة في دبي لصاحب احسن تصميم التصميم موجود وانا نفذته بس محتاج بنت جميلة زيك انفذ عليها الفستان ويكون ليها بصمه فيه يعني اللي يشوف الفستان يتهوس بسبب جمال البنت انا عندى هنا عارضات كتير لاكن انا محتاج حد مختلف واول ماشوفتك بجد شوفت الفستان عليكي ودا مش هايكون العرض الوحيد في عروض كتير بس دا اهم عرض بالنسبه ليا وانا محتاج اخد ترتيب في المسابقة دى وياسلام لو كسبت المسابقة انتي هتتنقلي نقلة تانية خالص ياريت قبل ماتردى بالقبول او الرفض تفكرى كويس دى فرصة عمرك وانا اختارتك من بين بنات كتير مقدمه هنا
قمر: ايوة بس انا كدا هشتغل عارضة ازياء
رأفت: عارضات الازياء متاح ليهم جميع التصميمات انما انتي هتكوني مميزة ومش هتلبسي اي تصميم فهمتي
قمر: انا محتاجة افكر واخد وقتي واهلي لازم يعرفوا طبيعة الشغل لان زى مانت قولت هايكون فيه سفر
رأفت : السفر هايكون خلال٣شهور من دلوقتي لو وافقتي لازم تحضري اغلب اوقاتك معانا لانك هتتأهلي من كل شئ علي الحركات واللبس وازاي تقفي وتعرضي ودا مختاج شوية تدريب وانتي هتجتازيهم انا متأكد
وماتقلقيش من راتبك هايكون راتب مجزى وهتقدرى تغيري حياتك بيه
قمر : طب افرض اني رفضت
رأفت : اتمني انك ماترفضيش وياستي برضه لو محصلش نصيب هشغلك اكيد في مجال تاني بس اكيد مش هايكون بنفس المستوى دا ولا بنفس الراتب فكرى كويس وماتضيعيش الفرصةمن ايدك
في بنات كتير تتمني بس انا اختارتك لانك مميزة وفيكي حاجه مختلفه وانا واثق اني هكسب بيكي المسابقة
قمر: طيب ينفع نمشي لان محتاجه افكر كويس
رأفت: طيب بس الاول تاخدى فكرة عن المصنع ايه رأيك وتشوفي بعض التصميمات اللي انا مصممها قبل كدا
قمر :تمام يلا بيا
رأفت اخذ قمر وفضلوا يلفوا في المصنع ودخل بيهاالي مكان فيه اشيك فساتين واغلي برندات عالميه وقمر في زهول تام من جميع التصميمات الجميلة
رأفت : قمر ايه رايك دا تصميم الفستان اللي هندخل بيه المسابقة
قمر: واااااو دا تحفه جميل جدا
رأفت : اوعدك لو كسبت المسابقه الفستان دا هايكون علي اسمك وبتاعك
قمر : انت بتتكلم جد
رأفت : انا بقولك هغيرلك حياتك ومن دلوقتي كمان
قمر:تقصد ايه
رأفت : تعالي معايا
قمر : علي فين
قمر : اهلا وسهلا
فاتن: انا فاتن السكرتيرة الخاصة لرأفت بيه وامرني اني اجهزك وتكوني في احسن صورة تليق بشغلنا
قمر: ٱااه اهلا وسهلا
فاتن: اتفضلي ادخلي هنا وغيري لبسك والبسي الطقم دا وهنتظرك هنا
قمر : دا ليا انا
فاتن: ايوة اتفضلي ادخلي البسي علي ما توفيق الكوافير يوصل
قمر :كوافير ليه
قمر: علشان يظبطلك شعرك **
دخلت قمر الي غرفة البروفا ولبست وخرجت الي فاتن ووجدت توفيق الكوافير جلست وظبط شعرها وحطت ميكب خفيف
فاتن : يلا بينا احنا اتأخرنا علي رأفت بيه اتفضلي معايا
قمر : انا هفضل باللبس دا
فاتن: ايوة طبعا وفي كمان طقمين أمر بيهم رأفت بيه علشان تنزلي الشغل شيك لان شغلنا بيعتمد علي اللبس فاكيد مش معقول يكون مش معاه حد مابيلبس براند
قمر : ???? اممم ماشي
فاتن : احم رافت بيه قمر جاهزة
رأفت : قام من مكانه .. و يتبع ????️
#بقلمي_أمل_الزهيري
